एकेक घोषणाही अदभूत होत आहे
गरीबा अरे तुझी हि समजूत होत आहे
होतात रोज राडे येथे सणाप्रमाणे
हिंसा क्षणाक्षणाला मजबूत होत आहे
सत्कार काल माझा त्यांनी झकास केला
आता लिलाव माझा अब्रूत होत आहे
झेंडा पुन्हा कुणाच्या आता करू हवाली
एकेक माणसाचा अवधूत होत आहे
या देश वैभवाचा वाटा आम्हास नाही
अवघीच वाटणी या बंधूत होत आहे
हे मावळे मराठी वैफल्यग्रस्त झाले
पक्षात फक्त मोठा राउत होत आहे
इसवी सनाप्रमाणे ठेवू नकाच नोंदी
गर्दी उगाच अपुल्या मेंदूत होत आहे
... मधुसूदन नानिवडेकर
No comments:
Post a Comment