आत्महत्या

आत उधाणलेला दर्या...
आणि पापण्यांची गलबतं
नांगर सोडण्याच्या तयारीत
हा आत्महत्येचा संकल्प म्हणावा
की हाराकिरी!

हे ठरवण्याआधी... मी चालू लागतो
.... समुद्राच्या दिशेने

तर किनाऱ्यावर...

नक्षीदार पायघड्या पसरलेल्या खेकड्यांनी

.................
ही माझ्या स्वागताची तयारी म्हणावी की,
मला वाचवण्याचा केलेला शेवटचा अट्टाहास

हे मला ठरवता येत नाही
मी थोपवू शकत नाही...

दूर सीमेपलीकडून येणाऱ्या हाका
हाकांमागून येणारी आमंत्रणे...
आणि घरातल्या मांजरीसारखी...

.. दररोज पायात लुडबुडणारी स्वप्ने
आणि तरीही मी अस्वस्थ होत नाही॥

ही माझ्या मेलेपणाची जाणीव म्हणावी की....

- कैलास गांधी